Беркарар дөвлетимизиӊ багтыярлык дөврүнде Хорматлы Президентимизиӊ башлангыҗы эсасында өсүшимизиӊ әхли улгамларында дүйпли өзгертмелериӊ аҗайып мивелериниӊ хөзүрини гөрүп яшаян, түркмен халкыныӊ тойлары гоша-гошадан гелйәр. Юрдумызда белленип гечилйән шанлы сенелериӊ хатарына аҗайып бир сене-эзиз Ватанымызыӊ йүреги-Ашгабадыӊ гүнүниӊ байрам эдилип белленмеги бедев бады билен ынамлы өӊе барян юрдумызыӊ ровачлыгыны артдырды. Дөвлет Баштутанымызыӊ мөхүм әхмиетли хер бир таслама айратын үнс берип, онуӊ ерине етирилмегине өзүниӊ гөнүден-гөни гатнашмаклыгы билен пайтагтымыз Ашгабат шәхеринде бина эдилйән көшк топлумлары, эдара биналарындан башлап, мекдепдир-чагалар багларына ченли ак мермер билен безелмеги нетиҗесинде Ашгабат шәхеримиз ак мермерли биналарыӊ көп җемленен шәхери хөкмүнде Гиннесиӊ рекортлар китабына гирмеклигине ак ёл ачды. Пайтагтымызыӊ рекортлар китабына гирмеги билен Хорматлы Президентимиз 2013-нҗи йылыӊ май айында «Ашгабат шәхериниӊ гүнүни» дөретмек хакында Пермана гол чекмеги билен юрдумызда тәзе ятдан чыкмаҗак вака болды. Несип болса бу гүниӊ хер йыл улы байрамчылык, той-дабарасы рухубелентлик билен белленҗекдиги шүбхенсиздир. Чүнки, хер бир туркмен раятыныӊ юрдумызыӊ бедев батлы өсүшиниӊ ве беркарарлыгыӊ өзболушлы тәсинлигине өврүлен Ашгабада болан сөйгүси, буйсанҗы ве хормат-сарпасы чәксиздир. Шейлен-де хәзирки вагтда хем Ашгабат шәхеримизде раятларымызыӊ ве мыхманларыӊ медениетли дынч алмакларыны үпҗүн этмек максады билен нетиҗели ишлер алып барыляр. Мейилнамалайын ишлериӊ чәгинде Магтымгулы шаёлуныӊ угрунда «Ак шәхерим Ашгабат» бинасы гурулды. Хормат-сарпаныӊ нышаны хөкмүнде бина эдилен бу тәсин десга диӊе бир ил-гүнүмиз дәл, гайры юртлардан гелен хер бир мыхманларда өзболушлы тәсинлиги билен гөренлери хайрана гояр. Гой, Ак шәхеримиз Ашгабады гөзелликлере бесләп, гөвүнлеримизи ганатландырян Гахрыман Акрадагымызыӊ җаны саг, өмри узак, дөвлетли тутутымлары ровач болсун!