DAGLAR Daga golaý baramda, Allanyň emri bilen Oglun Taňra hödürlän Ybraýym düşýär ýadyma. Allanyň sadyk dosty, Biziň iman atamyz, Ak patanyň çeşmesi Ybraýym düşýär ýadyma. Daga gözüm aýlamda, Müsür şasyndan gaçyp, Sionda goýun bakan Musa düşýär ýadyma. Allanyň pygamberi, Halkynyň halasgäri, Kanunyň howandary Musa düşýär ýadyma. Dagy synlap duramda, Duşmanlaryndan gaçyp, Gowakdan haraý gözlän Dawut düşýär ýadyma. Ysraýylyň patyşasy, Allanyň Öz saýlany, Öz halkynyň halany Dawut düşýär ýadyma. Daga seýil edemde, Milletin daşyna ýygnap, Allanyň Sözün aýdan Isa düşýär ýadyma. Bu dünýäň Halasgäri, Allanyň mesh edeni, Adamzadyň täk Rebbi Isa düşýär ýadyma. Daga gadam basamda, Reb bilen daga çykan, Rebbe çadyr dikmek islän Petrus düşýär ýadyma. Mesihiň Öz şägirdi, Ilki ýygnak resuly, Injiliň habarçysy Petrus düşýär ýadyma. Daglar Allaň gudraty, Elleriniň sungaty, Ýer ýüzüniň zynaty Daglar düşýär ýadyma.