Arsenal soňunda öz janköýerlerini begendirip bilermikä?

Şu gün irdenden bäri Arsenalyň 2 sany ýarym goragça gaty uly isleg bildirýändigini habar berildi.

Southamptonyň ýarymgoragçysy Morgan Şnaýderlin özüniň St. Marys-daky gelejegi hakynda howatyrlanýandygyny we Riki Lambert, Luke Shaw we Adam Lallananyň gitmesinden soňra, özüniň hem çykalga garap başlandygyny aýdýar.

Southampton oýunçyny öz hatarynda alyp galmak üçin oýunça kapitanlyk hem bermäne taýýar, emma Arsen Wenger oýunçyny öz hataryna goşmak üçin 20 million funt-sterling teklip etmäne taýýarlanýar.

Munuň daşyndan Arsenal ýene-de Sami Khedira bilen ýakyndan gyzyklanýar. Khedira bolan isleg ýaňy ýakynda çykan zat däl, emma Real Madridlileriň Toni Kroos bilen ylalaşyga barandygy hakyndaky habaryň ýaýramagy Arsenalyň işini ýeňilleşdirip biler.

Topçylar Khedira üçin 23 million funt sterling tölemäne taýýarlyk görýärler.

Khediranyň Özil bilen ýakyn dost bolmagyArsenaly beýleki Iňlis klublaryň arasynda ýakyn görmegine getirip biler.

Onuň daşyndan Çilili ýyldyz Aleksis Sançez Arsenaly Mançester Ýunaýted we Liwerpuldan ýokarda goýýandygyny aýdylýar.

Hüjümçiniň 1-nji komanda bilen oýuna az çykýanlygy sebäpli şu tomusda Barselonadan gitjekdigini aýdylýar. Ol ýaňy ýakynda Dünýä Çempionatyndan öýüne dolanyp geldi we häzirki wagtda özüniň nirä gitjekdigini saýlaýar.

Mançester Ýunaýted we Liwerpul hem oýunçyny öz hataryna goşaslary gelýär, onuň daşyndan Italiýanyň giganty; Ýuwentus hem oýunçy bilen gyzyklanýar.

Barselona oýunçy üçin 25 million ýewro isleýär – we bu baha Ýuwentusyň tölemek islemeýän bahasy bolup durýar, başga tarapdan bolsa bu Arsenalyň işini ýeňilleşdirýär.

Uzak wagt bäri “Arsenal öz hataryna goşasy gelýär” diýilen Mario Balotelli bolsa Arsenala geljek däl ýaly. Muny tassyklap ýaňy ýakynda Arsen Wengeriň oýunça hiç hili isleg bildirmeýänliginiň aýtmasy boldy.

The post Transfer myş-myşlary : Arsenal appeared first on Janköýer.