Liwerpul Şakiri bilen gepleşiklere başlady.

Liwerpul Bawariýanyň Şweýsariýaly ýarymgoragçysy Şherdan Şakiri bilen gepleşiklere başlady. Ýarymgoragçy milli ýygyndysynyň soňky Gonduras bilen bolan oýunyda het-trik etmegi we milli ýygyndysynyň Dünýä Çempionatynda indiki tura çykmasy üçin uly itergi beripdi. Goal.com-uň habar bermegine görä, Gyzyllar 15 million funt-sterling teklip etmäne taýýarlanýarlar. We oýunçynyň özüne hem hepdelik 95,000 funt-sterling aýlyk beriler diýilýär. Şeýlelik bilen Şakiri Liwerpula mundan öňkü aljak bolup dyrjaşýan Adam Lallanasyndan 10 million funt arzana düşer.

Herreradan soňra Ýunaýtede Şow gelýärmi?

Bu gün Mançester Ýunaýted Ander Herreranyň öz hataryna geçendigini resmi web-sahypasynda habar berdi. Onuň öň ýanynda Atletik Bilbao “Gyzyl Şeýtanlaryň” teklibini ret edendiklerini aýtsalar hem, birnäçe sagat soňra bu habar ýalanlandy. Bu transferiň hakykada geçmesi üçin Herreranyň öz kontraktynda galan puluny tölemesi gerek bolandygyny aýdylýar. Şeýlelik bilen oýunçy “Gyzyl Şeýtanlar” bilen 4+1 ýyllyk şertnama gol çekdi.

Herreranyň yz ýany Lýuk Şowyň hem Ýunaýtedde saglyk-barlaglaryny geçýändigini aýdyldy. Käbir ýerlerden gelen habarlara görä, Southampton oýunça edilen 30 million funt-sterlinglik teklibi kabul edipdir. Muňa tassyknama edip Angilýanyň Dünýä Çempionatyndan gaýtmasyny hem aýdylýar.

KPR Stiwen Kolkeri  hataryna goşmak isleýär.

KPR ýaňy ýakynda Rio Ferdinandy öz hataryna goşanyndan soňra, indi Kardiff Sitiniň goragçysy Stiwen Kolkeriň yzyna düşmäger başlady. Geçen sezon Kolker Kardifflylaryň hatarynda örän ajaýyp oýunlary görkezipdi. We onuň Kardifflylar bilen şertnamasyndaky ylalaşyga görä ol klub premier ligada galmanlygy sebäpli gidip bilýär. Bu ýagdaý bolsa Kolkeriň öňkü tälimçisi üçin örän gowy habarlaryň biri bolup durýar.

The post Transfer myş-myşlary: Mançester Ýunaýted 1-ni alyp 2-njiň ýoluna düşdi, Liwerpul Şakirini öz hataryna goşmak isleýär we başga myş-myşlar appeared first on Janköýer.