Gijelerdeý gündizlerim garalýar
Şatlygymdan gussalarym ar alýar,
Gysyp gelýär gamgyn göwnüm daralýar
Göwnüň agratsalar ýatlagyn meni.


Bagtym gitdi özge işige bakyp
Aýralyk güllerin ýüregime ekip,
Adymyň yzyndan adyňy dakyp
Kalbyň agratsalar ýatlagyn meni.


Säher şemal bolup öperin irden
Gözlerim gözleriňe düşmese birden,
Azabyn götermän döwülip gerden
Saçyň agartsalar ýatlagyn meni.


Dünyäň derdi bir ýan, seň sözüň bir ýan
Senden geçip özüm dertlere urýan,
Yşgyňda geda men, sergezdan girýan
Söýgüň dagatsalar ýatlagyn meni.



Ölen söýgümize ýanma biderek
Seniň gözýaşyňa çydamaz ýürek,
Meniň alyslara gitmegim gerek
Geçmiş sahypaňa gatlagyn meni.
Yza garap käte ýatlagyn meni...



Nurana Arslanowa