Gar ýagýar

Gar ýagýar-a,
Gar ýagýar.
Özem örän zor ýagýar.
Agarýar-a
Agarýar.
Ýeriñ ýüzi agarýar.

Ýerem ýitdi,
Gögem ýitdi.
Hany olar?
Nirä gitdi?

Gözlemäge çykdy Çary,
Ýalañaçdy aýaklary.

Sowukdan tiz geldi gaçyp.
Aýakýalañ ㅡ
Başy açyk.
Gygyrýar-a,
Gygyrýar:
ㅡ Eý, waý, kelläm agyrýar!...

Ýene-de Gar hakynda

Gyş aýynyñ bir güni
Ýatyr ýerde akja gar.
Eremänkä öñküsi,
Gar üstüne gar ýagýar.

Ak tigirden çöşlenýän
Sapak ýaly akja gar.
Şindem dynman ýagyp dur,
Ýuwaş-ýuwaş galñaýar.

Köçä bakyp aýnadan,
Öýde kiçijik Çary
Arkaýyn synlap otyr,
Daşarda ýagýan gary.

Kakasyna ýüzlenýär:
ㅡ Kaka, kaka, aý kaka
Ýaz aýlary bu garlar,
Nirede ýaşaýarka?
Bilýän bolsañ aýdaý-da!

Kakasy diýýär: - ''Oglum,
Gyşda ýagýan akja gar,
Ýaz aýlary daglaryñ
Depesinde ýaşaýar''.



Atamyrat ATABAÝEW