“Microsoft” diňe programma önümçiligi bilen däl, eýsem dürli elektron enjamlary hem öndürmek bilen meşgullanýar. Kompaniýa “Surface Laptop 3” atly noutbuklaryny tanyşdyrdy. Bu kompýuterler “Apple”-iň “MacBook Air” modeliniň esasy bäsdeşi bolar. Modeliň 13,5 hem-de 15 dýuýmlyk iki görnüşi bar. Olaryň kiçisiniň bahasy 999 dollardan, ulusy 1199 dollardan satylar. Kompýuterler bir sagatda 80 göterime çenli zarýad alýar. Enjam doly zarýady bilen 11,5 sagat ulanyp bolýar.