Her gün ýatlamaga esas tapsaňam, Ýatlama, sebäbi söýüpdim seni. Ýalňyşyp, birdenkä adym tutsaňam, Ýatlama, sebäbi söýüpdim seni. Gara gözleriňde ýaşlar kepände, Gelin bolup, öýme bolsa depäňde, Özge ýigit yaňagyňdan öpende, Ýatlama, sebäbi söýüpdim seni. Razy bolanyňda ykbal oýnuna, Döz gelerdim, almasaňam boýnuňa, Dolanyňda özge ýigdiň goýnuna, Ýatlama, sebäbi söýüpdim seni. Diňe bagt diledim seni söýemde, Toý gününde, toý köýnegin geýeňde, Maňa derek özgä "Razy!" diýeňde, Ýatlama, sebäbi söýüpdim seni! ⓒ Perhat H.