Ýolda yzda gabat gelsem kä ýarym, Ýüzi nurly, çuň nazarly, saçam çal. Digläp gidýär bütin süňňüm şol wagt, Saňa meňzeş adamlara, kakamjan! Olar göýä tanaýan dek ogluňy, Geçer-gider ýylgyrypjyk çalaja. Görse adam ogly ejizlär eken, Özgelerde zar mährini, kakamjan! Men olary tutup, bagryma basyp, Bar sesimden aglasamam — ýaş damjam, Seni o dünýäden getirip bilmez, Ýa getirip bilermikä, kakamjan?! ⓒ Perhat H.