Salam, Aziýada! Saňa her bir türkmen halkynyň berjek salamy ýüreginiň töründen çykýan mähirden püre-pürdir. Kalplary joşdurýan, ýürekleri heýjana goýýan Aziýada gapymyzda. Neneň ýürek joşmasyn. Mähriban Arkadagymyzyň zehini, päk zähmeti bilen “Görmäge göz gerek, wasp etmäge söz...” diýdirýän gözel Aşgabat şäheri täzeden döredi. Ajaýyp ýalkymy bilen dünýäni haýrana goýýan täze dörän paýtagtymyz, bu günki gün bagtyýar halkymyzyň ykbalynyň ak bagty bolup ýedi yklyma şugla saçýar. Ak şäherimiz Aşgabat bagty göterilen türkmen halkynyň bagtyýarlygynda, asudalygynda gülläp ösýär. Milli liderimiziň gurduran şäheri owadandyr, mermerdendir, dürdendir, köşkleri simi-zerdendir. Gözel paýtagtymyzyň ajaýyp gaýtalanmajak owadan keşbi köňlümiziň buýsanjyna, ylham sakamyzyň gözbaşyna öwrüldi. Şeýle owadan şäherde geçiriljek “Ýapyk binalarda we söweş sungaty boýunça V Aziýa oýunlaryna” taýýarlyk işleri tamamlandy. Aşgabat-2017-niň guramaçylykly geçirilmegi üçin görülýän taýýarlyk işleri bilen bolsa dünýä gyzyklanýar we şol sebäpli dünýäniň abraýly ýurtlarynyň habarlarynda dürli dillerde Türkmenistan barada hoş sözler aýdylýar, wagyzlar edilýär, bu bolsa Watanymyzyň abraýyny belende göterýär, bizi buýsandyrýar hem-de parahat söýjüligiň we dost-doganlygyň ýoly bilen öňe barýan bagtyýar, asyda ýurdumyzyň hakykatdan hem sagdynlygyň we ryhybelentligiň höküm sürýän ýurduna öwrülendigi subut edýär. Türkmen halkynyň geljek myhmanlar üçin gapysy hem, ýüregi hem, desterhany hem giňden açykdyr. Jennet mekanymyza hoş geldiňiz! Biziň ýurdumyzyň sebitde ilkinji bolup şeýle sport bäsleşiklerini geçirmegi Türkmenistanyň halkara arenasyndaky abraýyny hasha belende göterer. Ata-babalarymyzdan dowam edip gelýän asylly ýörelgeleriň biri- bu Watany beýgeltmek bolup, Türkmenistanyň abraýyny belende galdyrmak üçin Hormatly Prezidentimiziň bitirýän işleri hemmä göreldedir. Watanyň ykbalyny öz ykbalyna gatan beýik ogluň gaýraty hiç egsilmesin! Sport bilen meşgullanýan türgenlerimiziň Tugumyzy belende galdyrmaklaryny synlamak, olara guwanmak hemmämize nesip etsin!