Garaşsyz Diýarymyzda 2017-nji ýylda Ýapyk binalarda we söweş sungaty boýunça geçiriljek V Aziýa oýunlaryna taýýarlyk işleri görülýär. Bu gün dünýäniň nazary ak şäherimiz Aşgabada gönükýär. Gözel paýtagtymyz Aşgabat şäheriniň Aziýanyň Olimpiýa Geňeşiniň karary boýunça ilkinji bolup, Merkezi Aziýa sebitinde 2017-nji ýylda Ýapyk binalarda we söweş sungaty boýunça V Aziýa oýunlaryny geçirmek hukugyna eýe bolmagy hem türkmen döwletiniň saglygyny goramak we sportuny ösdürmek babatda maksatnamasyny üstünlikli amala aşyrýandygynyň aýdyň subutnamasy bolup durýar. Ýapyk binalarda we söweş sungaty boýunça geçiriljek V Aziýa oýunlarda sportuň 21 görnüşi boýunça 62 döwletden 5 müň türgen, 2,5 müň tälimçi, 10 müň daşary ýurt myhmanynyň, 10 müň meýletinçileriň, 1,5 müň tehniki işgäriň gatnaşmagy meýilleşdirilýär. Ýollar aýdyň bolanda, il-halka ýöremek, gurmak, döretmek aňsat bolýar . 2017--nji ýylyň 17-nji sentýabrynda paýtagtymyz Aşgabatda başlanjak Ýapyk binalarda we söweş sungaty boýunça V Aziýa oýunlaryna tarap ynamly öňe alyp barýan hem-de ak ýollary şan-şöhrata besleýän Arkadag Prezidentimiziň jany sag, başy dik, döwletli işleri hemişe rowaç bolsun!