Соӊкы йылларда Аваза Милли сыяхатчылык золагында дөвребап мыхманханалар, сагалдыш меркезлери билен бир хатарда бейлеки дурмуш ве медени максатлы биналар хем ызыгидерли гуруляр. Авазадакы Конгресслер меркезинде, мыхманханаларыӊ конгресс отагларында дүрли дереҗедәки маслахатлар, семинарлар, тренинглер ве ш.м чәрелер ызыгидерли гечирилйәр. Шонуӊ ялы-да, Авазадакы мыхманханларыӊ әхлисинде спорт билен мешгулланмак үчин фитнес клублары болуп, раятларыӊ иӊ көп барян ери хасапланыляр. Авазадакы “Аваза” спорт топлумы болса, түркмен түргенлериниӊ сөйгүли түргенлешик базасына өврүлди. Япык биналарда ве сөвеш сунгаты боюнча V Азиа оюнларына спортыӊ дүрли гөрнүшлери боюнча гатнашмага сайланан түркмен түргенлери бу спорт топлумда тапгырлайын гелип түргеншик гечйәрлер. Авазаныӊ ховасы салкын, экологики тайдан арасса болуп, түргенлере яшамак, иймитленмек, түргенлешик гечмек үчин ёкары дереҗеде зерур болан шертлер дөредилен. Шол бир вагтда түргенлериӊ әхли аладалардан дашда ве дашкы гуршавдан үзӊеликде болмагы олара үнсүни бөлмезден өз үстүнде ишлемәге мүмкинчилик берйәр. Гөркезилен ягдайлар түркмен түргенленриниӊ өз үстлеринде зерур болан дереҗеде, бөкденчсиз ишләп, кәмиллешмегине, оларыӊ халкара спорт чәресинде ынамлы чыкыш эдип, үстүнлик газанмагына оӊайлы тәсир эдер. Хас такыгы, V Азиа оюнларына гатнашян Түркменистаныӊ “Агыр атлетика” боюнча милли йыгынды топары 23.07.2017-нҗи йылдан бәри Аваза МСЗ-да ёкары дереҗеде тайялык гөрйәр. Топарыӊ дүзүми 17 саны түргенден ыбарат болуп, оларыӊ 11 санысы эркеклер, 6 санысы зенанлардыр. Түргенлер 2016-нҗы йылыӊ декабрь айында Түркменистаныӊ ачык биринҗилигини эелемек боюнча гечирлен ярышларда ер алып, сайланан яшларымыз. Ягны, “Агыр атлетика” боюнча милли йыгынды топарына Аваза МСЗ-дакы “Йүпек ёлы” котеджлер топлумында яшамак, дынч алмак үчин әхли шертлер, комфорт дөредилип, олар шол ерде иймитленйәрлер. Түргенлер йөрите дүзүлен меню эсасында вагтлы-вагтында нахарланып, олара адам саглыгы үчин пейдалы, бедени беркидйән, дүрли витаминлере, углеводлара бай, колориялы иймит өнүмлери берилйәр. Берилйән иймитиӊ дүзүмине, адам организмине якымлылыгына йөрите хүнәрменлер тарапындан дегишли барлаглар гечирилип, түргенлериӊ саглык ягдайына ызыгидерли гөзегчилик эдилйәр. “Агыр атлетика” боюнча милли йыгынды топары Аваза МСЗ-дакы дүнйә стандарларына лайык гелйән, дөвребап гурлан “Аваза” спорт топлумында түргенлешик гечип, олара спорт топлумына гатнатмак үчин әхли аматлыклары болан транспорт серишделери беркидилен. Спорт топлумында түргенлешик гечмек үчин ёкары дереҗеде шертлер болуп, әхли зерур болан эӊҗамлар орнашдырылан. Түркмен түргенлерине 3 саны милли тәлимчилер ве 1 саны дашары юртлы тәлимчи йөрите дүзүлен график боюнча гүнделик түргенлешик гечйәр. Тәлимчилер барада айдыланда, олара Түркменистаныӊ Агыр атлетика боюнча Милли меркезиниӊ тәлимчиси, спорт уссады Җанмырадов Агамырат Амандурдыевич ёлбашчылык эдйәр. Агамырадов Өзбегистан, Газагыстан, Түркие, РФ, АБШ, Мейинмор, Таиланд ялы дөвлетлерде гечен халкара ярышларына гатнашып, онуӊ бай теҗрибеси бар. Түркменистаныӊ ёкары спорт уссатлары мекдебиниӊ тәлимчилери Өмүрбек Базарбаев ве Сарыев Ахмет Агамырадович дагылар хем түркмен түргенлерине түргенлешик гечмекде мынасып гошандыны гошярлар. Сарыев зенан түргенлериӊ тәлимчиси болуп дуряр. Шонуӊ ялы-да, түргенлере халкара дереҗели спорт уссады Түркие дөвлетиниӊ раяты, Җафер Топчу түргенлешик гечип, ол Олимпия оюнларыныӊ энчемесине түргенлери тайрламакда бай теҗрибе топлан. Онуӊ өӊ таярлан түргенлери Халыл Мутлей, Наим Сүлейман оглы, Сагир Танер дагылар энчеме Олимпия оюнларыныӊ чемпионлары боландыгыны беллемек зерур. Тәлимчилер Азиада-2017 тайярлык гөрмек үчин әхли шертлериӊ дөредилендигини, бу угурдан хич хили меселәниӊ ёкдугыны айдярлар хем-де милли йыгынды топарыӊ тайярлык дереҗесине ёкары баха берип, түргенлериӊ түргенлешик дөврүнде өӊкилерден хас ёкары нетиҗелери газанандыкларыны беллейәрлер. Олар эсасан хем 48 кг. аграмда чыкыш этҗек Түркменистаныӊ Милли Спорт ве сыяхатчылык институтыныӊ талыплары Йылдыз Җумабаева (2017-нҗи йылыӊ апрель айында Ашгабат шәхеринде гечен Азия чемпионатында 2-нҗи ер алан), ве 55 кг. аграмда чыкыш этҗек Кристина Ширметова (2017-нҗи йылыӊ апрель айында Ашгабат шәхеринде гечен Азия чемпионатында 3-нҗи ер алан) хем-де түргенлер, 77 кг. аграмда чыкыш этҗек Реҗепбай Реҗепов (2017-нҗи йылыӊ апрель айында Ашгабат шәхеринде гечен Азия чемпионатында 2-нҗи ер алан), 85 кг. аграмда чыкыш этҗек Даянч Ашыров (Түркменистаныӊ чемпионы) дагыларыӊ өӊдәки орунлары эелеҗекдиге ынанярлар. Юрдумызда, спорты өсдүрмәге айратын үнс берлип, раятларыӊ сагдын дурмуш йөрелгелерине эермеклери үчин зерур болан шертлер ве гиӊ мүмкинчиликлер дөредилен. Бу угурдан йөрите дөвлет максатнамасы херекет эдип, Ашгабат шәхеринде гечирилҗек Япык биналарда ве сөвеш сунгаты боюнча V Азиа оюнлары юрдумызыӊ халкара дереҗесиндәки абрайыны беленде галдырар. Хәзирки вагтда V Азиа оюнларыныӊ ёкары гурамачылык дереҗесини үпҗүн этмек, гелҗек түргенлере ве мыхманлара зерур болан шертлери дөретмек, олара түркмен халкыныӊ мыхмансөерлигини, өсүшде етен белент сепгитлерини ачып гөркезмек боюнча әгирт улы ишлер алнып барыляр. Шол бир вагтда түргенлери тайярламак ишлерине хем айратын әхмиет берлип, түргенлешик гечмек үчин зерур болан әхли шертлер дөредилйәр хем-де дашары юртлардан танымал спорт уссатлары чагырылып, оларыӊ теҗрибесинден пейдаланыляр. Гөркезилен ягдайлар түркмен түргенлериниӊ рухуны гөтерип, оларыӊ үстүнликлер газанмагына кепил гечйәр. Биз түркмен түргенлериниӊ V Азиа оюнларында байраклы орунлары эеләр дийип умыт эдйҗәрис ве бил баглаярыс.