Hormatly agzalar men size Türkmen sportunyň ussatlary bilen tanyşdyrmagy dowam edýän Ataýew Merdan Guwançewiç 2017-nji ýylyň sentýabr aýynyň 17-ne V Aziýa oýunlarynyň biziň ýurdumyzda geçirilmegi çäksiz begendirýär. Sportuň 21 görnüşi boýunça geçiriljek ýaryşlarda Watanymyzyň sport abraýyny gorajak türgenlerimiz eýýäm birnäçe wagtyň dowamynda ajaýyp şert-mümkünçiliklerden peýdalanyp, ýokary depginlerde türgenleşik geçýärler. Olaryň arasynda Türkmenistanyň Milli sport we syýahatçylyk institutynyň bedenterbiýe fakultetiniň 5-nji ýyl talyby Ataýew Merdan Guwançewiçdir. Ol 1995-nji ýylyň maý aýynyň 8-ne Aşgabatda doglan. 2012-nji ýylda Aşgabat şäheriniň 16-njy mekdebini tamamlaýar we ýokary okuw mekdebiň talyby bolýar. Ýaşlykdan sportuň suwda ýüzmek görnüşi bilen gyzyklanýar. Şol ugurdan höwes bilen türgenleşikleri geçýär. Onuň erjelliginiň netijesinde ilki öz boýdaşlarynyň arasynda, sport mekdep, etrap, şäher, welaýat derejelerinde ýaryşlara gatnaşýar. Baýrakly ýerlere eýe bolýar. Soňra Halkara derejede geçirilýän ýaryşlara gatnaşmaga hukuk gazanýar. 2015-nji ýylyň aprel aýynyň 1-4-i aralygynda Birleşen Arap Emirliginiň Dubaý şäherinde geçirilen suwda ýüzmek boýunça Halkara ýaryşynda dürli aralyklarda ýüzüp, 2 sapar ikinji we bir sapar üçünji orna mynasyp bolýar. Ýaş türgen bu üstünlikler bilen çäklenmän, 2016-njy ýylyň aprel aýynyň 4-7-si aralygynda Suwda ýüzmekden geçirilen Halkara ýaryşynda BAE Dubay şäherinde ýene-de 100 m we 50 m aralykda ýüzüp, ikinji orna mynasyp bolýar. Bu ýaryşlardan onuň kümüş we bürünç medallar bilen gaýdyp gelmegini diňe üstünlik diýip hasaplap bolar. Şol sebäpden hem ol Türkmenistanyň ýygyndy toparynyň agzasydyr. Ataýew Merdan gyzgalaňly günlerde türgenleşiklerini has jogapkärli geçirýär. Ökde tälimçiler bilen işleşip, gowy netijeleri görkezýär. Gözel paýtagtymyzda 2017-nji ýylda Ýapyk binalarda we söweş sungaty boýunça V Aziýa oýunlarynyň geçirilmeginiň göz öňünde tutulmagy Berkarar diýarymyzyň sporty sagdynlygyň gözbaşy, halkara hyzmatdaşlygynyň we dostlugyň ilçisi hasaplaýandygyny tassyklaýar. Üstümizdäki ýylyň aprel aýynyň 19-30-y aralygynda Aziýa oýunlarynyň geçiriljek ýeri bolan Olimpiýa şäherjiginde kik-boksingden, agyr atletikadan hem sambo we söweş sambo göreşinden synag ýaryşlary geçiriljek. Bu ýaryşlara Türkmenistanyň Milli sport we syýahatçylyk institutynyň talyplary hem ganaşýar. Olara üstünlikler arzuw edýäris!