Түркменистаның Президенти Хорматлы Гурбангулы Бердимухамедовыӊ дүнйәниң энергия гөтериҗилери билен үпҗүнчилигини берҗай этмек боюнча алнып барян сыясатына БМГ-ның меҗлислеринде улы орун берилйǝр. Ягны, 2013-нҗи йылың май айында БМГ-ниң Баш Ассамблеясының 67-нҗи маслахатының Түркменистаның башлангыҗы ве бирагыздан голдамагы билен, «Энергия серишделериниң ыгтыбарлы ве дурнуклы үсташыр гечирилмеги хем-де дурнуклы өсүши ве халкара хызматдашлыгыны үпҗүн этмекде онуң орны» атлы Резолюциясы кабул эдилди. Шонуӊ билен бир хатарда Түркменистаның Хорматлы Президентиниң башлангыҗы билен дөредилен «Түркменистан-Овганыстан-Пакистан-Хиндистан» газ гечириҗисиниӊ тасламасы боюнча бу гүнки гүнде болса, ягны, 2015-нҗи йылың ноябрь айының 06-на Түркменистаның Хөкүметиниң гиңишлейиш меҗлисинде тасламаның гурлушыгына башламак барадакы Чөзгүт кабул эдилди. Ягны, дүнйǝде 33 трлн. куб метр тебигы газ ǝтиячлык горуна эе болан Түркменистан, өзүниӊ небитгаз байлыкларыны диверсификация ёллары аркалы экспорт эдилмегине соӊкы йылларда улы үнс берип башлады. Бу угурда юртда гурулян газхимия десгалары билен бир хатарда ТОПХ газ гечириҗисиниӊ тасламасында хем өӊе гидишлиге эе болды. 2010-нҗы йылыӊ декабрь айында таслама гатнашян юрт баштутанларыӊ тасламаныӊ дурмуша гечирилмегине бадалмага бермеклери билен бу гүнки гүнде оӊа дегишли ǝхли ресминамалар тайярланылып, тарапларыӊ арасында долы ылалашылып гол чекилди. Шу йылыӊ август айында болса, «Түркменгаз» милли компаниясы, тасламаныӊ консорциумыныӊ Лидер хөкмүнде еӊиҗи эдилип сайланылып, дөредилен «TAPI Ltd.» халкара компаниясыныӊ чǝклериндǝки Пайдарлар (Акционер) ве Маядарлар ылалашыклары долы ылалашылды. Бу ишлериӊ нетиҗесинде болса, ТОПХ тасламасына өз мая гоюмлары билен гатнашмаклыга диӊе бир таслама гатнашян юртларыӊ небитгаз компаниялары гызыкланма билдирмǝн, шу гүнки гүнде арап, италян, түрк ве ш.м. дүрли юртларың мая гоюҗылары өз теклиплерини берйǝндиклери хасаба алыняр. Шу йылыӊ ноябрь айында Ашгабат шǝхеринде гечирилҗек «Түркменистаның небити ве газы-2015» атлы XX халкара ылмы маслахатыӊ ве серги чǝресиниӊ довамында болса, таслама билен баглы ылалашыклара гол чекилҗекдиги хем-де оӊа дегишли айдыӊ маглуматларыӊ беян эдилмегине гарашыляр. Шейле-де, шу йылыӊ декабрь айында түркмен тебигы газыныӊ ене бир диверсификация ёлыны, Европа угры боюнча акдырылмагыны назарлаян «Гүндогар-Гүнбатар» газ гечириҗисиниӊ өз вагтында уланылмага берилмеги, шол вагтда дүнйǝде ǝгирт газ ятакларыӊ бири болан «Галкыныш» кǝниниӊ нобатдакы тапгырыныӊ өзлешдирилмегине гиришилмегине хем-де ТОПХ тасламасыныӊ газ гечириҗисиниӊ гурлушыгына бадалга берилмеги боюнча гөз өӊүнде тутулан чǝрелер мейиллешдирилйǝр.