Gelse Nowruz äleme, reň kylar jahan peýda, Ebrler awaz urup, dag kylar duman peýda, Bijanlar jana girip, ederler dahan peýda, Görmedigin giýalar, gögerip rowan peýda, Aýdarlar haýwanatga, hem sudy-zyýan peýda, Ýer ýüzüne ýaýylyp, ýörirler nahan peýda, Wabesde dahan guşlar, kylarlar zyban peýda. Magtymguly Şanyň aýak asty seçilen nogul, Göwherden doludy nazaryň salsaň. Bu nurana güne diýdiler: «Nowruz», Goý, täze ýyl baýramçylyk, toý bolsun! Abulkasym Firdöwsi Dürli güller açyldy, Jennet ýeri göründi, Gyş gelmezine gitdi, Gurt-guş bary direldi. Mahmyt Kaşgarly Ýerem, Suwam, Asmanam, Gülem, Guşam, Ynsanam — Beýik Günüň balasy, Bir-biregi agyrtman, Bir-biregi ynjytman, Ol Nowruzdan — bu Nowruza Eşidilmesin nalasy. «Awesta» Gün hamala girende, geldi älem Nowruzy, Geçdi aňzak, çille gyş, galmady gary, buzy. Burhaneddin Rabguzy Bu gün Nowruz, bu gün baýram, bu gün toý, Gaýgy-gamsyz şatlyk eder her bir öý. Baýram han Türkmen