Türkmenistanyň Sport baradaky döwlet komitetiniň sport-sagaldyş merkezi, Türkmenistanyň Magtymguly adyndaky Ýaşlar gurmasynyň Aşgabat şäheriniň Berkararlyk etrap Geňeşiniň bilelikde Türkmenistanyň Garaşsyzlygynyň 23 ýyllygyna bagyşlap Aşgabadyň we paýtagtymyzda işleýän daşary ýurtly kärhanalarynyň işçi-gullukçylarynyň arasynda sportyň kiçi futbol, woleýbol, ýeňil atletika we naýzajygy nyşana urmak görnüşleri boýunça ýaryş geçirip başlady. Bu sport çäresinde ilki kiçi futbol boýunça ýaryş badalga aldy.Paýtagtymyzyň Berkararlyk etrabynyň medeni-seýil we dynç alyş seýilghinde ýerleşýn futbol meýdançasynda geçirilýän ýaryşa işçi-kullukçylardan düzülen kiçi futbol toparlarynyň 8-si gatnaşýar. Geçirilen iki tapgyryň duşuşyklarynda Berkararlyk etrabynyň oba hojalyk maşynlaryny abatlaýyş kärhanasynyň “Tpartor” kiçi futbol topary “Ýyldyz dogan” firmasynyň kiçi futbol toparyny 7:4 hasabynda we futbol söýüjiler klubynyň “Bagtyýarlyk” kiçi futbol toparyny 5:3 hasabynda ýeňip, 6 utuk bilen öňdeligi eýeleýär. Ilki oýundan mümkin bolan 6 utukdan 6 utuk toplan Berkararlyk etrabynyň awtomobilleri abatlaýyş kärhanasynyň “Gaýrat” kiçi futbol topary “Uly gaýa” kiçi futbol toparny 8:5 hasabynda hem-de “Demirýolçy” kiçi futbol toparyny 5:3 hasabynda ýeňmegi başardy. Paýtagtymyzdaky bilelikdäki türkmen-türk firmasynyň “Aziýa” kiçi futbol topary Ukrainanyň “Interbudmontaž” kompaniýasynyň kiçi futbol toparyny 7:5 hasabynda we “Bagtyýarlyk” kiçi futbol toparyny 4:2 hasabynda ýeňip, öňdäki orunda barýar. Işçi-gullukçylaryň arasynda kiçi futbol boýunça geçirilýän şu ýaryşyň ýene-de ýedi tapgyry oýnalýar.Sportyň woleýbol, ýeňil atletika we naýzajygy nyşana urmak görnüşleri boýunça geçirilmeli ýaryşlar şu ýylyň oktýabr aýynyň başynda badalga alar.