Hyýaly söýginiň etýudy Sen sora: - elleriň meniki bolsun. Ýalňyz yşgymyzyň hatyrasyna bagtymyzy götär ýaly Asmana hem ýyly gujakda mäkäm gysmana Ýa aýak astyna zyňlan aýralyk Gelse yşgymyzy dardan asmana Şonda gitmez ýaly baky aýrylyp. Ýalňyz yşgymyzyň hatyrasyna Ellerim seniňki bolsun. Sen sora: - aýaklaň meniňki bolsun. Yşkyň ýüki agyr bolup götärden Durmuş menziliniň ýol gyrasynda Sepil bolup galmaz ýaly tötänden. Ýa göripleň dilegleri birleşip Gül açan bagtymyz bulajak bolsa Päk niýetleň penasynda dilleşip “gitse gelmez” ýoldan dolajak bolsa Ýalňyz yşgymyzyň hatyrasyna1 Aýaklam seniňki bolsun. Sen sora gözlerimi Görmek üçin giň jahanyň hoşlugny. Sen sora sözlerimi Ýaýmak üçin yşgymyzyň buşlugny. Ýöne söýgi şeýdip haklanýar diýip Dillerde ebedi saklanýar diýip Dilberim... Eger soraýsaň tende janymy Bagyşla... Ýalňyz yşkymyzyň hatyrasyna Berip bilmerin Awtory: Muhammet Bekgiyew