Yzlaryñy ogşap galdy ýodalar, Seni ýeli bilen ugratdy agşam. Asmanda bulutlañ tizden göçüşi, Olardan käte bir damjanyñ damşam, Ýagyşyñ ýagmaga hyýal edişi, Yzyñdan garaýşy garamyk gözleñ... Ählisi bir demde ugratdy seni, Eý, syryny näzik kalbynda gizlän! Umydymy bagra basyp ýaşadym, Söýgime jogabyñ söýgi bor öýdüp. Ýöne sen asuda, juda asuda ýaşaýañ. Örtemek bolarmy beýdip? Gel, bagtymy çüwdür, dünýä sygmaýyn, Depäm gök diresin, çetresin ynam! Iñ bagtly oglanlañ biri bolaýyn, Iñ söýülýän gyzlañ biri bol senem!