Kosta entek Çelsili däl

Diego Kostanyň komandasy Dünýä Çempionatyndan ir gaýtmaly boldy, emma bu oýunçynyň gönü Çelsa tarap gitjekdiginiň alamaty däl. Ispaniýanyň AS habar beriş serişdesiniň aýtmagyna görä, Atletiko Madridyň prezidenti Çelsiniň entek 32 million funt-sterlingi tölemänligi üçin oýunçynyň klubda galjakdygyny aýdýar. Emma Kostanyň Dünýä Çempionatyndan şikes alman gelmegi işleri çaltlaşdyryp biler. Şol sebäpli Çelsiniň öňümüzdäki hepdelerde puly geçirip oýunçyny almasyna garaşylýar.

Liwerpul Mika Riçardsy almak isleýär

Liwerpul ökde goragçy Mika Riçardsy almak üçin howlukýar diýip Mançesteriň habar beriş serişdeleri habar berýär. Mançester Sita Bakari Sanýanyň gelmegi bilen Riçardsyň öňkü ornuny hem ýitirenligini aňladýar. We şol sebäpli hem Liwerpul bu pursatdan peýdalanyp oýunçyny öz hataryna goşmak isleýär. Riçards goragyň orta we sag gürpünde oýnap bilýär, munuň daşyndan ol birnäçe gezek Çempionlar Ligasynda hem çykyş edipdi.

Rio Ferdinand KPR-a gidip barýarmy?

Mançester Ýunaýtediň goragçysy we legendalaryndan biri Rio Ferdinandyň KPR bilen şertnama gol çekişendigini The Mail habar berýär. Ferdinand aý ahyrynda resmi şekilde islendik tarapyna gidip bilýär, we häzirki wagtda oýunçy Premier Liga dolanyp gelen topara goşulmak isleýändigini belli etdi. Onuň daşyndan, KPR-yň häzirki wagtdaky tälimçisi Harry Redknapp hem oýunça örän tanyş.

Mançester Ýunaýted Ander Herrera 27 million funt teklip etdimi?

Günüň iň esasy habarlaryndan biri hem Mançester Ýunaýteddan geldi. Mançester Ýunaýtediň geçen transfer penjeresinde alyp bilmedik Ander Herrerasyny almakçy bolýar. Häzirki wagtda oýunça teklip berildi we iň gysga wagtda jogabyna garaşylýar.