Giñ kalbymyñ töründedir kamatyñ,
Men guş bolsam sen giñ ýaýan ganatym,
Ýeke galyp ejizleýän halatym,
Bir ýylgyrşyñ melhem bolýar ýüregme,
Men hiç kimi goýup bilmen deregñe.

Ak bagtymy saña ýazmyş täleýim,
Bir ömürlik huzuryñda galaýyn,
Bak gözlerme, gözleriñden ganaýyn,
Döndüñ meniñ iki dünýä geregme,
Men hiç kimi goýup bilmen deregñe.

Päk söýgimiz öwrülmesin tegmile,
Ýylgyr gülüm şol gelişer meñziñe,
Başyñy goý perişdeli egnime,
Gan mährimden, zat soralmaz girewne,
Men hiç kimi goýup bilmen deregñe.

Bagladyñ ýar kakyp köñül tarymy,
Señ mähriñ doldurar gyzgyn törümi.
Duýýan ýaly gelejegmiñ nuruny,
Kän garaşdym Allam seni bererne,
Men hiç kimi goýup bilmen deregñe


KERIM HALLY