Ak tamyň kiberhowpsuzlyk boýunça edarasynyň başlygy Şon Kernkross öz wezipesini terk edýär. Bu barada çeşmelere salgylanýan «Axios» portaly habar berdi. Habarda Kernkrossyň ABŞ-nyň Prezidentiniň edarasy bilen düşünişmezlik sebäpli däl-de, öz islegi boýunça işden gidýändigi bellenýär. Portalyň maglumatlaryna laýyklykda, Kernkross ýurduň Senaty ony wezipesinde 3-nji ýanwara çenli tassyklamagyna garaşmazdan, häzir işden gitmek kararyna geldi. Hut 3-nji ýanwarda Kongresiň üstünden gözegçilik demokratlara geçýär. 8-nji noýabrda Ak tamyň edarasynyň başlygynyň orunbasary Riçard Uolters başlygy Sýuzi Uaýls işden aýrylyp, onuň ýerine Trampyň esasy geňeşçisi Stiwen Miller bellenenden soňra wezipesinden çekiljekdigini yglan etdi.