Özbegistanyň hemişelik ilatynyň sany soňky 16 ýylda 10 million adama çenli köpeldi. Bu barada Respublikanyň Statistika geňeşine salgylanýan «podrobno.uz» neşiri habar berdi. Geňeşiň habaryna görä, 2010-njy ýylyň başynda ýurtda 29 million 214 müň 900 adam ýaşaýardy. 2026-njy ýylyň başynda bu görkeziji 39 million 23 müň 600 adama ýetdi. 30 millionlyk ýaşaýjy çägine Respublika 2012-nji ýylda ýetdi. Habarda soňky bäş ýylda ilatyň artyş depgininiň güýçlenendigi hasaba alyndy. Şunlukda, 2026-njy ýylyň aýagynda Özbegistanyň hemişelik ýaşaýan ilatynyň sany 39,5 million adama deň boldy.