Futbolda geň rekord hasaba alyndy: Braziliýada bolan bir oýnuň dowamynda oýunçylara 53 gezek gyzyl kart görkezdiler. Öňki rekord 36 gyzyl kart bolup, olary 2011-nji ýylda Argentinadaky oýunda hasaba aldylar. Bu gezek ýurduň Minas-Žeraýs ştatynyň ýaşlar çempionlygynda «Uberlandiýa» we «Mamore» toparlary oýnadylar. Meýdançadan 43 futbolçy we sekiz sany türgen ştablarynyň işgärleri çykaryldy. Muňa köpçülikleýin ýakalaşma sebäp boldy. Ilki oýny 40 minut töweregi sakladylar, ahyrynda-da gutarnykly ýatyrdylar.